O'qildi: 637
16.06.2025
/ 20 Zulhijja 1446
Fatvo mavzusi: Xuluʼ — Ayolning ajrashish talabi
Savol
Bir muslima ayolning eri giyohvandlikka mubtalo boʻlgan va uni shafqatsizlarcha urib, hatto oʻldirishga ham harakat qilgan. Qolaversa, ayolni toʻrt oydan buyon qarovsiz qoldirgan. Bu ishlardan soʻng ayol oʻz yurtidagi imomdan eridan ajratib yuborishni soʻradi. Imom undan sabablarni qogʻozga yozib berishini soʻradi, ammo u bunga rozi boʻlmadi. Sababi, agar yozib beray desa, butun bir kitob boʻlishini va eri hozirda mamlakatdan tashqariga safar qilganini aytmoqda. Endi u ayol nima qilishi kerak?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Birinchidan: agar savolda zikr etilgan tavsif toʻgʻri boʻlsa, bu gunohning uyni vayron qilishi, oilani parokanda etishi va yakdillikni yoʻqotishida ibrat va nasihat bordir. Bu – gunohning qabih oqibatlaridandir. Shunday ekan, har bir musulmon Allohga tavba qilib, gunoh va osiylikdan tiyilishi lozim boʻladi.
Ikkinchidan: bu ayolning taloq soʻrash sababini yozishdan bosh tortishi ajablanarlidir! U aytilgan talabni bajarishi kerak. Agar shunday qilsa, unga qanday zarar bor?
Uchinchidan: Agar oʻsha shahardagi musulmon jamoasi ishlarini boshqarayotgan va soʻzi oʻtadigan shaxs juftlikning nikohda qolishi islohga olib bormasligini koʻrsa, oʻzaro kelishtirgan holda ayolni eridan ajratib xuluʼ qilishi mumkin.
Allohdan uylarimizni, musulmonlarning uylarini oshkora va yashirin fitnalardan asrashini hamda barchamizning holimizni isloh qilishini soʻraymiz.
Bu javob foydali bo’ldimi?