O'qildi: 40
Oktabr 8, 2025
/ 16 Rabiul-oxir 1447
Fatvo mavzusi: Kofirlarga taqlid
Savol
Muhtaram shayx hazratlari, sizni xabardor qilmoqchimanki, Islom forumi idoralari milodiy taqvimdan foydalanadigan mamlakatlarda joylashgan, biz esa hijriy taqvimga amal qilamiz. Bu tafovut bizga hijriy taqvimni qo‘llamaydigan davlat idoralari bilan munosabatda bo‘lishda, shuningdek byudjetni rejalashtirish, maosh to‘lash va o‘sha davlatlardagi tegishli idoralarga moliyaviy hisobotlarni topshirishda qiyinchiliklar tug‘dirmoqda. Biz hijriy taqvimning muhimligiga qat’iy ishonch bildiramiz va uni musulmonlarning ramzi hamda g‘ayridinlardan farqlovchi belgi sifatida tan olamiz. Shunday bo‘lsa-da, zarurat tufayli moliyaviy muomalalar va byudjet masalalarida milodiy taqvimdan foydalanishimiz joizmi?
O’xshash fatvolarJavob
Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.
Hijriy sanani birinchi o‘ringa qo‘yib, uning ortidan milodiy taqvimga mos sanani keltirib, ikkisini birlashtirishning zarari yoʻq. Sababi hijriy taqvim qamariy oylarga asoslangan bo‘lib, ikkita ko‘zi bor har qanday kishi uchun aniq va ravshan ko‘rinadi. Milodiy taqvimda esa, oylarni faqat hisob-kitob orqali bilish mumkin, uning ko‘zga ko‘rinadigan belgilari yo‘q. Shu bois, islom shariati ro‘za, haj, e’tikof va boshqa ibodatlar uchun arabcha oylarni e’tiborga oladi. Hijriy sanani birinchi o‘ringa qo‘yish islomiy ramzlarni va uning o‘ziga xos xususiyatlarini bu taqvimga notanish bo‘lganlar orasida yoritishga xizmat qiladi.
Alloh bilguvchiroqdir.
Bu javob foydali bo’ldimi?