Mavzular

Yangi fatvolar

Maqolalar

Kitoblar

Saqlanganlar

Murakkab qidiruv

Loyiha haqida

Fikr bildiring

Bosh sahifa » Qurʼon ilmlari » Rahmon surasining 33-oyatining tafsiri
0 – 0
Fatvo: 1028

O'qildi: 139

27.07.2025

/ 2 Safar 1447

Fatvo mavzusi: »

Rahmon surasining 33-oyatining tafsiri

Savol

Men arab tilini bilmaganim sababli, «Rahmon. surasining 33-oyatini tushuntirib berishingizni iltimos qilaman. Alloh sizga yaxshilik bersin.

O’xshash fatvolar

Javob

Alloh taologa hamdu sanolar, Rasululloh sollallohu alayhi vasallamga salavot va salomlar bo‘lsin.

Alloh taolo aytadi:

﴿يَا مَعْشَرَ الْجِنِّ وَالْإِنْسِ إِنِ اسْتَطَعْتُمْ أَنْ تَنْفُذُوا مِنْ أَقْطَارِ السَّمَاوَاتِ وَالْأَرْضِ فَانْفُذُوا ۚ لَا تَنْفُذُونَ إِلَّا بِسُلْطَانٍ۝٣٣﴾

«Ey jin va inson jamoasi! Agar sizlar (Allohning jazosidan qochib) osmonlar va Yer chegaralaridan o‘tib ketishga qodir bo‘lsangizlar, u holda o‘tib ketaveringlar! Sizlar faqat kuch-qudrat bilangina o‘ta olursizlar, (lekin u Kunda sizlarda hech qanday kuch-qudrat bo‘lmas)!» (Rahmon: 33).

Bu Allohning bandalarga bo‘lgan muboraza-chaqirig‘i bo‘lib, u mahshar yerida bo‘ladi, hamma maxluqotlar – jinlar va insonlar to‘planganda, osmonlar yorilib, farishtalar har bir osmondan tushib, mahshar ahlini qurshab oladilar. Alloh yig‘ilgan xaloyiqqa, agar qodir bo‘lsalar, qochib qutulishni taklif qiladi, ammo ular bunga qodir boʻlmaydilar. Qanday qilib qodir bo‘lsinlar, axir ularning hech qanday kuch-qudrati yo‘q va farishtalar ularni har tomondan qurshab, muhosara qilib olgan bo‘ladi.

Ibn Kasir rahimahulloh bu oyatni quyidagicha tafsir qilgan: «Allohning amri va qazoyi qadaridan qochib qutula olmaysizlar, chunki U sizni qurshab olgan. Sizlar uning hukmidan ham, qudratidan ham qochib qutula olmaysiz. Qayerga bormang, U sizni o‘rab turadi. Bu Qiyomat kunining holatidirki, farishtalar maxluqotlarni yetti qator bo‘lib har tomondan o‘rab oladi va hech kim «إِلَّا بِسُلْطَانٍ», ya’ni Allohning amrisiz hech qayoqqa keta olmaydi. «O‘sha kunda inson:

﴿يَقُولُ الْإِنْسَانُ يَوْمَئِذٍ أَيْنَ الْمَفَرُّ۝١٠كَلَّا لَا وَزَرَ۝١١إِلَىٰ رَبِّكَ يَوْمَئِذٍ الْمُسْتَقَرُّ۝١٢﴾

«Ana o‘sha Kunda u inson «(u balo-ofatlardan) qayerga qochib-qutulish mumkin?», deb qolur! Yo‘q! (Ey inson, Allohning azobidan qochib qutuladigan) biron boshpana yo‘qdir! U Kunda yolg‘iz Parvardigoring (hukm qilgan joy)ga qaror topishgina bordir!» (Qiyoma: 10-12).

Fatvo manbasi

Maqola borasida fikringiz?

Izoh sababi
Ushbu qator to'ldirilishi shart.

Bu javob foydali bo’ldimi?

0

O’xshash fatvolar

  • Qur’onni o‘pish hamda qiroat paytida tebranish

    Ba’zi birodarlar shariatda asli bo‘lmagan amallarni qilishayotganini ko‘rdim. Men ularni bid’at amallar deb o‘ylasam-da, buni ishonchli manbalar bilan tasdiqlay olmayman. Agar bu amallar to‘g‘ri bo‘lmasa, ularni hikmat bilan to‘g‘rilashga harakat qilmoqchiman. 1. Duodan keyin barmoqlarga puflab, bosh barmoqlar bilan ko‘zlarni silash; 2. Duoni doimo Fotiha surasi bilan tugatish; 3. Qur’onni ko‘targanda va qo‘yishdan oldin o‘pish; 4. Namozda o‘tirganda yoki Qur’on o‘qiyotganda tebranish.

  • Tumor bilan hojatxonaga kirish

    Xotinimda Qur’on oyatlari yozilgan tumor bor. U buni taqib hojatxonaga kirishi joizmi?

  • Ixlos surasining fazilatlari

    Men anchadan beri Islom ta’limotlariga ergashib kelyapman va hali ham o‘rganish jarayonidaman. Do‘stim menga duolar kitobini berdi. Kitobda men bilmaydigan ba’zi sura va oyatlarni o‘qish kerakligi aytilgan. Ular arabcha so‘zlardan iborat, lotin alifbosida yozilgan:1. Alhamdu surasi 2. Innaa fatahna surasi 3. Daloilul xoyrot 4. Allohu-s-Somad (Bu Allohning go‘zal ismlaridan birimi? Uni 500 marta takrorlash kerakmi yoki bu faqat duoning nomimi?) 5. Amma yatasaa’a surasi 6. «La ilaha illa anta subhanaka inni kuntu minaz zolimin» kalimasi 100 marta.Buning matnini va qaysi surada ekanligini aytib berishingizni so‘rayman. Chunki mendagi Qur’on ingliz tilida bo‘lib, 114 suraga bo‘lingan, 30 ta emas.

  • Qur’onining Islom shariatidagi o‘rni

    Men jahon dinlari bo‘yicha kurs o‘qiyapman va quyidagi savolga javob topishda qiynalmoqdaman: Islom an’analariga ko‘ra Qur’oni Karim hukmronligining tabiati qanday? Haniyf islom merosi nuqtai nazaridan Qur’oni Karimning Islom shariatidagi o‘rni qanday?

  • «Malaul a’lo»ning ma’nosi

    Men hozirda islomiy urf-odatlarni o‘rganayotgan g‘ayridinman. Olimlarning payg‘ambarlar haqidagi oyatlar tafsirlari bo‘yicha ilmiy ish yozmoqdaman. Tadqiqotim davomida tez-tez uchraydigan iboralardan biri — «Mala’ul a’lo» so‘zidir. Bu iboraning ma’nosini tushunmayapman. Agar uni tushunishimga yordam bersangiz juda minnatdor bo‘lardim. Vaqtingiz va yordamingiz uchun oldindan tashakkur bildiraman.

  • Kofirlarning Qur’onni ushlashi joizmi?

    Qur’onni boshqa tilga, misol uchun, fransuz tiliga tarjima qilish joizmi va uni g‘ayridinlar o‘qishi mumkinmi? Alloh taolo: ﴿إِنَّهُ لَقُرْآنٌ كَرِيمٌ ۝٧٧ فِي كِتَابٍ مَكْنُونٍ ۝٧٨ لَا يَمَسُّهُ إِلَّا الْمُطَهَّرُونَ ۝٧٩﴾ «Albatta u Ulug‘ Qur’ondir! (Qur’on sehr yoki uydirma emas, balki) asralgan Kitobdagi (Lavhul-Mahfuzdagi Ulug‘ Qur’ondir). Uni faqat pok kishilargina ushlarlar» (Voqea: 77-79), deydi. Kitobning sarlavhasida shunday deyilgan: ﴿وَلِلَّهِ مَا فِي السَّمَاوَاتِ وَمَا فِي الْأَرْضِ ۚ وَكَانَ اللَّهُ بِكُلِّ شَيْءٍ مُحِيطًا ۝١٢٦ وَيَسْتَفْتُونَكَ فِي النِّسَاءِ ۖ قُلِ اللَّهُ يُفْتِيكُمْ فِيهِنَّ وَمَا یُتۡلَىٰ عَلَیۡكُمۡ فِی ٱلۡكِتَـٰبِ﴾ «Osmonlardagi va Yerdagi bor narsa Allohnikidir. Alloh hamma narsani ihota qilguvchi bo‘lgan Zotdir. (Ey Muhammad alayhis-salotu vas-salom), sizdan ayollar haqida fatvo so‘raydilar. Ayting: «Ular to‘g‘risida sizlarga Alloh va Kitobda (Qur’onda) tilovat qilinadigan oyatlar fatvo berur» (Niso: 126-127).